ဘာကြောင့် ရာသီသွေး ထိမ်ရသလဲ

Ref:Health Articles on Monday, October 29, 2012 at 2:52pm ·



ရာသီမလာဘဲ ရာသီသွေး ထိမ်နေတာကို ဆေးပညာအရ Amenorrhea လို့ ခေါ်ပါတယ်။  ဒီအခြေအနေက နှစ်မျိုးရှိပါတယ်။ ပထမ အကြောင်းရင်းက အပျိုဖော်ဝင်တဲ့တိုင်အောင် ရာသီသွေး မလာသေးတဲ့ အခြေအနေဖြစ်ပြီး အဲဒါက Primary Amenorrhoea လို့ ခေါ်ပါတယ်။ ဒုတိယ အကြောင်းရင်းကတော့ အစပိုင်းမှာ ရာသီသွေးမှန်မှန် လာနေပြီးမှ ထိမ်သွားတဲ့ အခြေအနေဖြစ်ပြီး ဒါကို Secondary Amenorrhoea လို့ ခေါ်ပါတယ်။

အပျိုဖော်ဝင်သည့်တိုင်အောင် ရာသီသွေးမလာသော Primary Amenorrhoea

ဆယ်ကျော်သက်အရွယ် မိန်းကလေးတွေအနေနဲ့ ရာသီသွေး စတင်မပေါ်တဲ့အခြေအနေကို ဆိုလိုပါတယ်။ ပုံမှန်အားဖြင့် အသက် ၈-၁၆ နှစ်အရွယ်ကြားမှာ ရာသီစလာရမှာ ဖြစ်ပါတယ်။ အသက် ၁၇ နှစ်အရွယ်ကို ရောက်တဲ့အထိ ရာသီစတင် မလာသေးဘူးဆိုရင် တခြားစမ်းသပ်မှုတွေ လုပ်ဖို့ရာအတွက် ဆရာဝန်နဲ့ သွားပြသင့်နေပါပြီ။ ဒါ့အပြင် အသက် ၁၄ နှစ်အရွယ် ရောက်တဲ့အထိ မိန်းကလေးတွေက ရင်သားကြီးထွားမှု၊ လိင်အင်္ဂါ အမွေးပေါက်မှု စတာတွေ မဖွံ့ဖြိုးသေးရင် ဆရာဝန်နဲ့ ဆွေးနွေးသင့်ပါတယ်။

ကိုယ်ဝန်ဆောင်ခြင်း

ရာသီသွေး စတင်မလာသေးရင် ကိုယ်ဝန်မရနိုင်ဘူးလို့ မိန်းကလေး အများစုက ယုံကြည်ကြပါတယ်။ ဒါက မမှန်ပါဘူး။ တကယ်လို့ ပထမဆုံး သားဥကြွေနေချိန်မှာ (ရာသီမလာသေးပေမယ့်) အမျိုးသားတစ်ဦးနဲ့ လိင်ဆက်ဆံမှုရှိရင် ပထမဆုံး ရာသီမလာခင်မှာ ကိုယ်ဝန် ရနိုင်ပါတယ်။

ပီကျူထရီဂလင်းရောဂါများ

ပီကျူထရီဂလင်းဟာ ဟော်မုန်းထုတ်လုပ်မှုကို ထိန်းချုပ်ပေးပြီး ဒီဟော်မုန်းတွေက ခန္ဓာကိုယ်အတွက် ဘာလုပ်ရမယ်ဆိုတဲ့ ညွှန်ကြားချက်တွေကို ပေးပါတယ်။ ဒီဂလင်းရဲ့ လုပ်ဆောင်မှု တစ်ခုခုနဲ့ ဟော်မုန်းထုတ်လုပ်မှု မှားရင် ခန္ဓာကိုယ်က ရာသီသွေး စတင်ဆင်းဖို့အတွက် မှန်ကန်တဲ့ ညွှန်ကြားချက်ကို လက်ခံမရရှိတတ်ပါဘူး။

မျိုးဗီဇဆိုင်ရာ အခြေအနေများ

တားနားရောဂါစုဖြစ်ရင် မိန်းကလေးဟာ X ခရိုမိုဆုမ်းတစ်ခု ချို့တဲ့နေနိုင်ပါတယ်။ ဒါကြောင့် သားဥအိမ်မှာ အမာရွတ်တစ်သျှူး ဖြစ်ပေါ်နေနိုင်ပါတယ်။ အဲဒီအခါ အီစထရိုဂျင် ဟော်မုန်းထွက်ရှိမှု မလုံလောက်တော့ဘဲ ရာသီသွေးဆင်းမှု အဟန့်အတား ဖြစ်နိုင်ပါတယ်။ တားနားရောဂါစုရှိတဲ့ မိန်းကလေးတွေက လိင်အင်္ဂါနဲ့ ရင်သားတွေ အပြည့်အဝ ဖွံ့ဖြိုးမှု မရှိတတ်ပါဘူး။

Gonadal Dysgenesis

မိန်းကလေးတစ်ဦး ရာသီစတင်မလာတဲ့ အဖြစ်များဆုံး အကြောင်းရင်း ဖြစ်ပါတယ်။ ဒါကြောင့် ရာသီစတင်မလာခင်မှာ အချိန်မတိုင်ခင် သားဥဆုံးရှုံးမှု ဖြစ်စေနိုင်ပါတယ်။

သားဥအိမ်တွင် သားဥမကြွေနိုင်ဘဲ ရေအိတ်ငယ်များ ဖြစ်တည်လာသော ဟော်မုန်းဆိုင်ရာ ရောဂါစု (Polycystic Ovarian Syndrome)

သားဥအိမ်တွေထဲမှာ ရေအိတ်ငယ်တွေ ဖြစ်လာတဲ့ အခြေအနေပါ။ ဒီအခြေအနေမှာ သားဥကြွေတာကို ဟန့်တားနိုင်သလို ပုံမမှန်တဲ့ သားဥကြွေတာမျိုးကိုလည်း ဖြစ်စေနိုင်ပါတယ်။

အစားအသောက်ပျက်ခြင်းနှင့် အစားလျှော့လွန်ခြင်း

အစားအသောက် အလျှော့လွန်သူ ဒါမှမဟုတ် အစားအသောက်ပျက်တဲ့ မိန်းကလေးတွေဟာ ရာသီသွေး စတင်မလာတတ်ပါဘူး။ အကြောင်းကတော့ ခန္ဓာကိုယ်အတွက် အာဟာရ အလုံအလောက် မရရှိလို့ပါ။ ကိုယ်အလေးချိန် အလွန်အမင်း ကျဆင်းတာနဲ့ အာဟာရဓာတ် ချို့တဲ့တာကြောင့် ဟော်မုန်းတွေကို ထိခိုက်စေနိုင်ကာ ခန္ဓာကိုယ်ရဲ့ လုပ်ငန်းဆောင်တာတွေကိုလည်း ထိခိုက်စေနိုင်ပါတယ်။ အလွန်ပြင်းထန်တဲ့ လေ့ကျင့်ခန်းတွေ လုပ်တာကြောင့် ရာသီလာချိန်ကို ဟန့်တားစေနိုင်ပါတယ်။

အစပထမ ရာသီသွေးလာပြီးမှ ရာသီသွေးထိမ်ခြင်း (Secondary Amenorrhea)

မိန်းကလေးတစ်ဦးက ပုံမှန်အတိုင်း အပျိုဖော်ဝင်ပြီး ရာသီသွေးလာနေရင်းကနေ ရာသီသွေး ထိမ်သွားတဲ့ အခြေအနေကို Secondary Amenorrhea လို့ခေါ်ပါတယ်။ ဒီအခြေအနေ ဖြစ်ရတဲ့ အကြောင်းရင်းတွေက အမျိုးမျိုးပါပဲ။ ဥပမာတွေကတော့-

အပြင်းအထန် နာမကျန်းမှုဖြစ်ခြင်း သို့မဟုတ် ဆေးဝါး သောက်သုံးရခြင်း

အပြင်းအထန် နာမကျန်းမှု ဖြစ်တာကြောင့် ရာသီသွေးဆင်းမှု ရပ်တန့်နိုင်သလို ဆေးဝါးတချို့ကြောင့်လည်း ရာသီသွေး ထိမ်တတ်ပါတယ်။

လေ့ကျင့်ခန်း အလွန်အကြူးလုပ်ခြင်း

လေ့ကျင့်ခန်းက ကျန်းမာရေးအတွက် ကောင်းပေမယ့် လေ့ကျင့်ခန်းကို အလွန်အကျွံ လုပ်တာကြောင့် ဟော်မုန်းအဆင့်ကို ရုတ်တရက် အပြောင်းအလဲ ဖြစ်စေနိုင်ကာ ရာသီစက်ဝန်းကို ရပ်တန့်စေနိုင်ပါတယ်။ ကိုယ်အလေးချိန်က ရုတ်တရက် ကျသွားရင် ဒါမှမဟုတ် ရုတ်တရက် မြင့်တက်လာရင် ရာသီသွေး ထိမ်တတ်ပါတယ်။

စိတ်ဖိစီးမှုများခြင်း

မိသားစုဝင်တစ်ဦးဦး သေဆုံးတာ၊ ထိခိုက်ဒဏ်ရာ အကြီးအကျယ်ရတာနဲ့ လင်မယားကွဲကွာတာတို့လို အကြောင်းရင်းတွေကြောင့် ရာသီစက်ဝန်း ရပ်တန့်စေနိုင်ပါတယ်။ အိမ်ပြောင်းရတာနဲ့ မင်္ဂလာဆောင်တာတို့လို အသေးအမွှား အဖြစ်အပျက်တွေ ကြုံရရင်တောင် ရာသီစက်ဝန်းကို အဟန့်အတား ဖြစ်စေနိုင်ပါတယ်။

အကျိတ်များ

အကျိတ်တွေကြောင့် ပရိုလက်တင်ခေါ်တဲ့ မိခင်နို့ချို အထွက်များစေတဲ့ ဟော်မုန်းအထွက်များစေပြီး ရာသီသွေး ထိမ်တတ်ပါတယ်။

သိုင်းရွိုက်ရောဂါဝေဒနာများ

သိုင်းရွိုက်ရောဂါ ဝေဒနာတွေကြောင့် ဟော်မုန်းပြဿနာ ဖြစ်စေကာ ရာသီသွေး ထိမ်တတ်ပါတယ်။

သန္ဓေတားဆေးများ

ရုတ်တရက် သန္ဓေတားဆေး မှီဝဲမှုကို ရပ်တန့်လိုက်တာကြောင့် သုံးလနဲ့ အထက်ကြာတဲ့အထိ ရာသီမလာတာမျိုး ဖြစ်တတ်ပါတယ်။ သုံးလကျော်လို့မှ ရာသီမလာရင် ဆရာဝန်နဲ့ ပြသင့်ပါတယ်။

အချိန်မတိုင်ခင် သားဥဆုံးရှုံးခြင်း

အသက် ၄၀ မတိုင်ခင် အစောပိုင်းအချိန်မှာ သွေးဆုံးတာ ဖြစ်ပါတယ်။ ဆယ်ကျော်သက် အရွယ်တွေမှာတောင် တစ်ခါတစ်ရံ ဖြစ်တတ်ပါတယ်။ သားဥဟာ လုပ်ငန်းဆောင်တာတွေ ရပ်တန့်လိုက်တာကြောင့် သားဥမကြွေတော့ဘဲ ရာသီသွေး ထိမ်သွားပါတော့တယ်။

မိခင်နို့ချို တိုက်ကျွေးခြင်း

မိခင်နို့ချို တိုက်ကျွေးတာကြောင့် ရာသီသွေးမလာအောင် ဟန့်တားတတ်ပါတယ်။ မိခင်နို့ချို တိုက်ကျွေးမှုကို ရပ်လိုက်ပြီဆိုတာနဲ့ ရာသီပြန်လာနိုင်ပါတယ်။ ဒါက ပုံမှန်ပဲ ဖြစ်ပါတယ်။   

ဇွန်ခိုင်ဦး (ဆေးဝါးတက္ကသိုလ်)Ref: By Good Health Originally posted on Yatanarpon/good health/article-70141